PECORA conscindendi ritus

PECORA conscindendi ritus

in Bacchicissacris, occurrit apud Papin. Statium Achill. l. 1. v. 596.

—— nemus. Huius in umbra,

Alternum revocare prae Trieterica matres

Consuêrant, scissumque pecus, terraque revulsas

Ferre trabes ——

Ubi Vetus Scholiastes, ut Pentheum, inquit, pro fera consciderunt. Alius, Soliti in simulato aut sanevero furore, capreolos et alia pecora conscindere. Arnob. adv. Gentes l. 5. de eôdem more. in (Bacchanalibus) circumplicatis vos anguibus, atque ut vos plenos Dei numine doceatis, caprorum reclamantium viscera cruentatis eribus dissipatis. Iterumque Statianus Scholiastes ad Theb. l. 3. In sacris Liberi consuetudo talis est; ut occisô caprô omnes sacrati sanguinem eius bibant, vide et Prudentium contra Symm. l. 1. Ad quas proin usitatas animantium ruptiones, alludit Nero, apud persium Sat. 1. v. 100.

Et ruptam vitulo caput ablatura superbo

Bassaris et lyncem Maenas vinctura corymbis.

Vide Euripidem eô locô, a Casaubono prolatum, alia a Theodoro Marcilio: quibus adde Casp. Barthium Animadversion. ad loc. At in veteris Test. Sacris non conscindebantur, sed dividebantur rite Pecora, uti diximussupra ubi de Dissecandi ritu. Vide quoque infra in voce Pecus.